މާލޭ މަރުވެފައި އޮތް މީހަކު ފެނިއްޖެ އެވެ.
ގަލޮޅު ގެއެއްގެ ތެރެއިން މަރުވެފައި އޮށްވާ ފެނިފައިވަނީ ގ. ބިއުޓީ ވިލާ، 45 އަހަރު، ދާވޫދް ޖިމްރީޒް އެވެ.
ގަލޮޅުގައި ހުންނަ ގެއެއްގައި ޚަބަރު ހުސްވެފައި އޮތް މީހަކު އޮތް ކަމުގެ މައުލޫމާތު ރޭ 01:27 ހާއިރު ފުލުހުންނަށް ލިބިފައިވާ ކަމަށް އެ އިދާރާއިން ބުނެފައިވެ އެވެ.
މި މީހާ އައިޖީއެމް ހޮސްޕިޓަލަށް ގެންދިޔަ އިރުވެސް ނިޔާވެފައިވާ ކަމަށް ހޮސްޕިޓަލުން މައުލޫމާތު ދީފައިވާ ކަމަށް ފުލުހުން ބުނެފައިވެ އެވެ.
އިއްޔެ ހަވީރު ވެސް މާލޭ ގެޔަކުން މަރުވެފައި އޮތް މީހަކު ފެނިފައިވެ އެވެ. އިއްޔެ ހަވީރު 05:02 ހާއިރުވެސް ގަލޮޅުގައި ހުންނަ ގެއެއްގައި މީހަކު ޚަބަރު ހުސްވެފައި އޮތުމުން ފުލުހުންނަށް ވަނީ މީހާ ހޮސްޕިޓަލަށް ގެންގޮސްފަ އެވެ. އެހެންނަމަވެސް އެ މީހާ ހޮސްޕިޓަލަށް ގެންދިޔައިރުވެސް ނިޔާވެފައި އޮތް ކަމަށް ފުލުހުން މައުލޫމާތު ދީފައިވެ އެވެ. ނިޔާވެފައި ވަނީ ގ. ފްރެސް ލައިޓް، 35 އަހަރު، އަލީ ރަޝީދެވެ.
ފުލުހުން ބުނެފައިވަނީ އެ އިދާރާއިން މި ދެ މައްސަލަވެސް ތަހުގީގު ކުރަމުންދާ ކަމަށެވެ.
