އެމްޑީޕީގެ ރިޔާސީ ޕްރައިމަރީ ރައީސް އިބްރާހިމް މުހައްމަދު ސޯލިހު ވިދާޅުވިގޮތަށް ބޮޑުތަނުން އެމަނިކުފާނު އިންތިހާބު ކާމިޔާބުކޮށްފިއެވެ.
މިއަދު ހެނދުނު 09:00 އިން 17:00 ގެ ނިޔަަލަށް ކުރިޔަށް ގެންދިޔަ ޕްރައިމަރީގައި މިހާތަނަށް ދެބައިކުޅަ އެއްބަޔަށްވުރެ ގިނަ ވޯޓުފޮށިތައް ގުނާފައިވާއިރު، 6،000 އެއްހާ ވޯޓުގެ ތަފާތުން ކުރީގައި އުޅުއްވަނީ ރައީސް އިބޫއެވެ.
ރައީސް އިބޫގެ ކެމްޕޭން ޓީމުން ބުނެފައިވާ ގޮތުން އެމަނިކުފާނު 67 އިންސައްތައިން މި އިންތިހާބު ކާމިޔާބު ކުރައްވާނެއެވެ. އަދި ޓީމުން ވަނީ ރައީސް އިބޫއަށް މަރުހަބާވެސް ކިޔާފައެވެ.
ޕްރައިމަރީގައި 30،000 އަށްވުރެ ގިނަ މީހުން ވޯޓު ލާފައިވާއިރު، ވޯޓުލުމުގެ ހައްގު ލިބިފައި ވަނީ 57،000 މީހުންނަށެވެ.
