ދެ ރަށެއްގައި އައިސްޕްލާންޓް ގާއިމުކުރުމުގެ މަސައްކަތް ފެނަކަ ކޯޕަރޭޝަނާ ހަވާލުކޮށްފިއެވެ.
ފެނަކައާ ހަވާލުކޮށްފައި ވަނީ ގދ.ފިޔޯރީ އަދި ގދ.މަޑަވެލީގައި 25 ޓަނުގެ އައިސްޕްލާންޓަކާއި، 50 ޓަނުގެ ސްޓޯރޭޖެއް ގާއިމު ކުރުމަށެވެ.
މި މަސައްކަތް ފެނަކައާ ހަވާލުކޮށްފައި ވަނީ 170 ދުވަހުގެ ތެރޭގައި ނިންމުމަށް 4.89 މިލިއަން ރުފިޔާއަށެވެ.
މި ސަރުކާރުން މިހާތަނަށް ރާއްޖޭގެ 10 ސަރަހައްދެއްގައި ވަނީ އައިސް ޕްލާންޓް ޤާއިމުކޮށްފައެވެ. އަދި މި އަހަރު ނިމުމުގެ ކުރިން އިތުރު 15 އައިސް ޕްލާންޓް އެޅުމުގެ މަސައްކަތް ސަރުކާރުން ދަނީ ކުރައްވަމުންނެވެ.
