ކުރިޔަށް އޮތް ރިޔާސީ އިންތިހާބުގައި އެމްޑީއޭ އިން އެމްޑީޕީއާއެކު ކޯލިޝަން ހެދުމަށް ނިންމުމުން އެކަމަށް އެމްޑީޕީން މަރުހަބާ ކިޔައިފިއެވެ.
އެމްޑީޕީން ބުނީ، ކުރިޔަށް އޮތް ރިޔާސީ އިންތިހާބުގައި އެ ޕާޓީއާއެކު ކޯލިޝަން ހެދުމުގެ މަޝްވަރާއަށް ރައީސް ސޯލިހު ދެއްވި ދައުވަތު ގަބޫލު ކުރައްވައި، ދެވަނަ ދައުރެއް އެމްޑީޕީއަށް ކާމިޔާބުކޮށްދޭން މަސައްކަތް ކުރަން އެމްޑީއޭ އިން ނިންމި ނިންމުމަށް މަރުހަބާ ކިޔާ ކަމަށެވެ.
އެމްޑީއޭގެ މި ނިންމުމަކީ ރައީސް ސޯލިހުގެ ވެރިކަމުގެ މި ހިނގާ ދައުރުގައި ގައުމަށް ގެނެސްދެއްވި ހަމަޖެހުން ދެމިއޮވެ ރައްޔިތުންނަށް ކުރިއެރުމާއި ފާގަތިކަން އިއްތިހާދުގެ ސަރުކާރަކުން ކަމަށް ގަބޫލުކުރާތީ ގައުމާއި ރައްޔުތުންގެ ހައްގުގައި ނިންމެވި ނިންމެވުމެއްކަމަށް އެމްޑީޕީން ދެކޭ ކަމަށް އެ ޕާޓީން ބުނެއެވެ.
އެމްޑީއޭގެ އިތުރުން އަދާލަތު ޕާޓީން ވަނީ އެމްޑީޕީއާއެކު ކޯލިޝަން ހަދައި، ދެވަނަ ދައުރަކަށް ރައީސް ސޯލިހު ހޮވަން އެއްބަސްވެފައެވެ.
