ހުޅުމާލެ ފޭސް 2 އިން 4،000 ހައުސިންގް ޔުނިޓް އެޅުމަށް 17 ބިމެއް ފަހިދިރިއުޅުން ކޯޕަރޭޝަނަށް ވިއްކާލައިފިއެވެ.
އެޗްޑީސީން ބުނީ، ހުޅުމާލެ ދެވަނަ ފިޔަވަހީގައި ސަރުކާރުގެ ފަރާތުން އިޖުތިމާއީ ބޯހިޔާވެހިކަމުގެ 4،000 ޔުނިޓްގެ މަޝްރޫއު ހިންގުމަށް އެ ކޯޕަރޭޝަނާއި، މިނިސްޓްރީ އޮފް ފިނޭންސް އަދި ފަހިދިރިއުޅުން ކޯޕަރޭޝަން ލިމިޓެޑާއެކު ވެފައިވާ އެއްބަސްވުމުގެ ދަށުން މަޝްރޫއު ހިންގުމަށް 17 ބިމެއް ވަނީ ވިއްކާލައިފައި ކަމަށެވެ.
މި މަޝްރޫއު ކުރިޔަށް ގެންދިޔުމަށް ބޭނުންވާ ކަންކަން ފުރިހަމަ ކުރުމަށް ބިމުގެ މިލްކުވެރިކަން ބަދަލުކުރުމަށް ކަނޑައެޅިފައިވާ އުސޫލުގެ ދަށުން ފައިސާ ދައްކާ ހަލާސް ކުރުމުން ކޯޓު މެދުވެރިކޮށް މި މަހު އެ 17 ބިމުގެ މިލްކުވެރިކަން މިލްކުވެރިކަން މިނިސްޓްރީ އޮފް ފިނޭންސްގެ ނަން މައްޗަށް ބަދަލުކުރެވިފައި ކަމަށް އެޗްޑީސީން ބުނެއެވެ.
އެޗްޑީސީން ބުނީ، ފޭސް 2 ހިއްކުމަށާއި، އެކި އުމްރާނީ ވަސީލަތްތައް ގާއިމު ކުރެވިފައި ވަނީ އެ ކޯޕަރޭޝަނުން ލޯނު ނަގައި އަދި އެކި ގޮތްގޮތުން ހަރަދުކޮށްގެން ކަމުން، ހުޅުމާލޭގެ ބިން އެކި ބޭނުންތަކަށް ދިނުމަށާއި، ވިއްކުމުގައި އަބަދުވެސް ބިމުގެ އަގު ކަނޑައެޅިފައިވާނެ ކަމަށެވެ.
މީގެއިތުރުން ހިންގޭ ކޮންމެ މަޝްރޫއެއްގެ ބިމުގެ އަގު ދެއްކުމުން އަބަދުވެސް މިލްކުވެރިކަން ބަދަލުކުރެވޭކަން ފާހަގަކޮށް އެޗްޑީސީން ބުނީ، އެ ބިންތަކަކީ އިޖުތިމާއީ ބޯހިޔާވަހިކަން ތަރައްގީ ކުރުމަށް ބޭނުންކުރެވޭ ބިންތަކެއް ކަމުން، ބިމުގެ އަގަކީވެސް މަޝްރޫއު ހިންގާ، އާއްމުންނަށް ފޯރުކޮށްދޭ އިރު ލުއި އަގުތަކެއް ހަމަޖެއްސުމަށް މަގުފަހިވެގެންދާނެ ގޮތަށް ކަނޑައެޅިފައިވާ އަގެއް ކަމަށެެވެ.
