ކޮމަންވެލްތު ދުވަހުގެ ހެޔޮއެދުމާއި ތަހުނިޔާ ރައީސް އިބްރާހިމް މުހައްމަދު ސޯލިހު، އިނގިރޭސިވިލަތާއި ކޮމަންވެލްތްގެ ރަސްގެފާނު ޗާރލްސް އާއި ކޮމަންވެލްތްގައި ހިމެނޭ ގައުމުތަކާއި، ރައްޔިތުންނަށް ފޮނުއްވައިފިއެވެ.
ރައީސް ސޯލިހު ކުރެއްވި ޓުވީޓެއްގައި ވިދާޅުވީ، ގައުމުތައް ގުޅިގެން މަސައްކަތްކުރުމުގައި ކޮމަންވެލްތު ގައުމެއްގެ ހައިސިއްޔަތުން ރާއްޖެއިން އަބަދުވެސް ގުޅުން ދަަހައްޓާނެ ކަމަށާއި، އަދި ދެމެހެއްޓެނިވި އަމާން މުޖުތަމަޢުއެއް ގާއިމުކުރުމަށް ކުރާ މަސައްކަތުގެ އަމާޒަށް ރާއްޖެއިންވެސް އެކުއެކީގައި މަސައްކަތްކުރުމުގައި ދެމިއޮންނާނެ ކަމަށެވެ.
On #CommonwealthDay, I convey best wishes from the Maldivian people to HM King Charles III, @commonwealthsec, governments and people of the Commonwealth. Maldives remains committed to upholding our shared values and contribute towards a sustainable and peaceful common future.
— Ibrahim Mohamed Solih (@ibusolih) March 13, 2023
މެދުކެނޑުމަކަށްފަހު ކޮމަންވެލްތްގެ މެންބަރު ގައުމެއްގެ ގޮތުގައި ރާއްޖެ އަލުން ކަނޑައެޅިގެން ދިޔައީ މި ސަރުކާރުގައި 2020 ވަނަ އަހަރުގެ ފެބްރުއަރީ މަހުގެ 1 ވަނަ ދުވަހުއެވެ.
