ގއ.ވިލިނގިލީ މަގު ހެދުމުގެ މަޝްރޫއުގެ ދަށުން މިހާރު ކުރިޔަށްދަނީ ކުޑަތިބެއްޔާ މަގުގައި ކޭބަލް ޖަންކްޝަން އެޅުމުގެ މަސައްކަތް ކަމަށެވެ.
މި މަޝްރޫއުގެ ދަށުން ވިލިނގިލީ 5 ކިލޯމީޓަރުގެ މަގުގައި ތާރު އެޅުމާއި، މަގުތަކުގައި ފެން ހިންދާ ނިޒާމް ގާއިމްކުރުމާއި، މަގު ބައްތި ޖެހުން އަދި ތާރު އަޅައިގެން ހަދާފައިވާ މަގުތައް ރީސާރފޭސްކުރުމުގެ މަސައްކަތްވެސް ކުރާނެއެވެ.
އާރްޑީސީއާ މިދިޔަ އަހަރު އެޕްރީލް މަހުގެ ތެރޭގައި ހަވާލުކުރި މި މަޝްރޫއު 490 ދުވަހުން ނިންމަން ޖެހޭއިރު، މަޝްރޫއަށް 98.3 މިލިއަން ރުފިޔާ ހަރަދުވާނެއެވެ.
