ހުޅުމާލޭގައި ޓެކްސީ ޑްރައިވަރު ގާސިމް ހަސަން މަރާލިކަން، އެ މައްސަލައިގައި ދައުވާ ލިބޭ އަދުހަމް މުހައްމަދުގެ މައްޗަށް ސާބިތުވެއްޖެއެވެ.
ގާސިމްގެ ކަރަށް އަދުހަމް ވަޅިން ހަމަލާދީ އޭނާގެ ފުރާނަ ދުއްވަލާފައި ވަނީ 2019 ވަނަ އަހަރުގެ ޑިސެމްބަރު މަހުގެ 4 ވަނަ ދުވަހު ފޭރުމެއްގެ ތެރެއިންނެވެ.
މި މައްސަލާގައި ހުކުމް އިއްވަމުން ގާޒީ ނަދީމް ވިދާޅުވީ، ގާސިމް މަރާލި ސަރަޙައްދުން ފެނުނު ވަޅިން، މި މައްސަލާގައި ދައުވާލިބޭ އަދުހަމް މުޙައްމަދުގެ ޑީ.އެން.އޭ ފެނިފައިވާތީ ވަޅި ހެރިކަމާއިމެދު އެއްވެސް ޝައްކެތް ނެތް މިންވަރަށް ޔަގީން ވެފައިވާކަމަށެވެ.
މިއާއެކު، އަދުހަމްގެ މައްޗަށް އުފުލި ތޫނު އެއްޗެއް ބޭނުންކޮށްގެން ގަސްތުގައި މީހަކު މެރުމުގެ ކުށުގެ ދައުވާ ވަނީ ޝައްކެތް ނެތް މިންވަރަށް ސާބިތުވެފައެވެ.
މި މައްސަލާގައި ދެން އޮންނާނީ ވާރިސުންގެ ބަސް ނެގުމަށްފަހު ހުކުމް ކުރުމެވެ.
