އިމިގްރޭޝަން ކޮންޓްރޯލާ މުހައްމަދު އަހުމަދު ހުސައިން (ހަނަފީ) ޖޭޕީން ވަކިވެވަޑައިގެންފިއެވެ.
ހަނަފީ ޖޭޕީން މިއަދު ވަކިވެފައި މިވަނީ އިއްޔެ އެ ޕާޓީގެ ލީޑަރު ގާސިމްގެ އިބްރާހިމްގެ އެޑްވައިޒަރުގެ މަގާމަށް އައްޔަންކޮށްފައި ވަނިކޮށް، އެ މަގާމު ގަބޫލުނުކުރައްވައެވެ.
ޖޭޕީން އިސްތިއުފާ ދެއްވާ ހަނަފީ ފޮނުއްވި ސިޓީގައި ވިދާޅުވެފައި ވަނީ ޖޭޕީގެ ވިސްނުން މިވަގުތު ހުރި ގޮތުން އެއީ ދިވެހި ގައުމަށް އެންމެ ފައިދާ ހުރި ގޮތް ކަމަށް ގަބޫލު ނުކުރެވޭތީ މިއަދުން ފެށިގެން ޕާޓީން ވަކިވުމަށް ނިންމާފައިވާ ކަމަށެވެ.
މައުލޫމާތު ލިބިފައިވާ ގޮތުގައި ހަނަފީ ޖޭޕީން ވަކިވެފައި ވަނީ ރައީސް އިބްރާހިމް މުހައްމަދު ސޯލިހުގެ ފަޅިއަށް އެރުމަށެވެ.
