ކުރިޔަށް އޮތް ރިޔާސީ އިންތިހާބުގައި އެމްޑީޕީއާއެކު ކޯލިޝަން ހަދަން ނިންމާފައިވާ އަދާލަތު ޕާޓީގެ ލީޑަރ އިމްރާން އަބްދުﷲ އާއި އެމްޑީއޭގެ ލީޑަރ އަހުމަދު ސިޔާމް މުހައްމަދުއާ ރައީސް އިބްރާހިމް މުހައްމަދު ސޯލިހު ބައްދަލުކުރައްވައިފިއެވެ.
މިއަދު މުލިއާގޭގައި އޮތް މި ބައްދަލުކުރެއްވުމުގައި ރައީސް ސޯލިހުއާއެކު ބައިވެރިވެވަޑައިގެންނެވީ އިކޮނޮމިކް މިނިސްޓަރ އަދި އެމްޑީޕީގެ ޗެއާޕާސަން ފައްޔާޒް އިސްމާއިލްގެ އިތުރުން އެމްޑީޕީ ޕީޖީ ގްރޫމްގެ ލީޑަރ މުހައްމަދު އަސްލަމްއެވެ.
ކުރިޔަށް އޮތް ރިޔާސީ އިންތިހާބަށް އެމްޑީޕީ އިސްވެ އޮވެ އުފައްދާފައިވާ ކޯލިޝަނާ ގުޅުމުގެ ދައުވަތު ޖޭޕީ އަދި އެމްއާރްއެމްއަށްވެސް ވަނީ ދީފައެވެ. އެ ދެ ޕާޓީއާ ރައީސް ސޯލިހު މަޝްވަރާ ކުރައްވާފައިވާއިރު، އަދި ދެ ޕާޓީންވެސް ކޯލިޝަން ހެދުމަށް ނިންމާފައެއް ނުވެއެވެ.
