އަމީނީ މަގު ހެދުމުގެ މަސައްކަތް ބާރަށް ކުރިއަށްދާ ކަމަށް އާރްޑީސީން ބުނެފިއެވެ.
އާރްޑީސީން ބުނީ، މަޝްރޫޢުގެ ދަށުން މި ވަގުތު ކުރިއަށްދަނީ ޑީވޯޓަރިންގ އަދި ސްޓޯރމް ވޯޓަރ އައުޓްފޯލް އެޅުމާއި، ދުވާރުތަކުގެ ޕޭވިންގ އިތުރުން އެޗްވީ ޕައިޕް އެޅުމުގެ މަސައްކަތް ކަމަށެވެ.
މި މަޝްރޫއުގެ ދަށުން 1.79 ކިލޯމީޓަރުގެ މަގު ޒަމާނީ ފެންވަރަށް ތަރައްގީ ކުރުމަށް ހަމަޖެހިފައިވާއިރު، މަޝްރޫއަށް 84.4 މިލިއަން ރުފިޔާ ހަރަދުވާނެއެވެ.
ޖުމްލަ 13 ސެގްމަންޓް ހިމެނޭ އަމީނީ މަގުގެ މަސައްކަތް އެއްކޮށް ނިންމާލެވޭނީ އަންނަ ސެޕްޓެމްބަރު މަހުއެވެ.
