ކުރިޔަށް އޮތް ރިޔާސީ އިންތިހާބަށް ރާއްޖެއިން ބޭރުން އަންނަ ފަރާތްތަކަށް ވިސާ ހަމަޖެއްސުމާ ގުޅޭގޮތުން އިލެކްޝަންސް ކޮމިޝަން އިން މޯލްޑިވްސް އިމިގްރޭޝަންއާއެކު މަޝްވަރާ ކޮށްފިއެވެ.
މި ބައްދަލުވުމުގައި އިލެކްޝަންސް ކޮމިޝަނުން ވަނީ އިންތިހާބަށް އަންނަ ބޭރުގެ ފަރާތްތަކަށް ލުއި ގޮތަކަށް ވިސާ ހަމަޖެއްސުމާ ގުޅޭގޮތުން މަޝްވަރާ ކުރައްވާފައެވެ.
ރިޔާސީ އިންތިހާބު އޮބްޒާވްކުރަން ބޭރުން އަންނަ މޮނީޓަރުންނާއި އޮބްޒާވަރުންނަށް އެޕްލިކޭޝަން ފޯމް ހުށަހެޅުމަށް އީސީން ހުޅުވާލާފައިވާއިރު، މުއްދަތު ހަމަވާނީ އަންނަ ޖުލައި މަހުގެ 25 ވަނަ ދުވަހުއެވެ.
