މި އަހަރު ފިތުރު ޒަކާތުގެ ގޮތުގައި ލިބުނު ނުވަ މިލިއަނަށްވުރެ ގިނަ ރުފިޔާ ފަގީރުންގެ ދަފްތަރުގައި ހިމެނިފައިވާ ފަރާތްތަކަށް ޖަމާކޮށްފައިވާ ކަމަށް އިސްލާމިކް މިނިސްޓްރީން ބުނެފިއެވެ.
އިސްލާމިކް މިނިސްޓްރީން ބުނީ، ފަގީރުންގެ ދަފްތަރުގައި 8،446 މީހުން ތިބިއިރު، ބޮލަކަށް 3،450ރ. ގެ ރޭޓުން އެ ފަރާތްތަކުގެ އެކައުންޓަށް ޖަމާކޮށްފައިވާ ކަމަށެވެ.
ފިތުރު ޒަކާތް ގޮވާމުގެ ގޮތުގައި ވެސް ބަލައިގެންފައިވާ އިރު ރޯދަ މަސް ނިމުމުގެ ކުރިން 12،989.3 ކިލޯ ގޮވާން ލިބިފައިވާ ކަމަށާއި، އެތަކެތި ވެސް ބަހައި ނިންމާފައިވާ ކަމަށް އިސްލާމިކް މިނިސްޓްރީން ބުނެއެެވެެ.
