ރާއްޖޭގެ ބައެއް ސަރަހައްދަށް މިއަދު އިހުސާސްކުރެވޭ ހޫނުމިން 44 ޑިގްރީ ސެލްސިއަސްއަށްވުރެ މައްޗަށް އަރާފައިވާ ކަމަށް މޯލްޑިވްސް މީޓިއޮރޮލޮޖިކަލް ސާވިސް (މެޓް) އިން ބުނެއެވެ.
މެޓް އިން ބުނީ، މިއަދު މެންދުރު 2:00 ޖެހިއިރު ލ.ކައްދޫގައި އިހުސާސްކުރެވޭ ހޫނުމިން ހުރީ 44.3 ޑިގްރީގައި ކަމަށާއި، އެގަޑީގައި ހޫނުމިން ހުރީ 41.5 ޑިގްރީ ސެލްސިއަސްގައި ކަމަށެވެ.
މިދިޔަ އަހަރު ރާއްޖޭގައި ރާއްޖޭގައި އެންމެ ހޫނު ގަދަވި ދުވަސްވަރު އިހުސާސްކުރެވޭ ހޫނުމިން ހުރީ 43 ޑިގްރީގައެވެ.
މިއީ ރާއްޖޭގެ އެންމެ ހޫނު ގަދަ ދުވަސްވަރު ކަމަށް މެޓް އޮފީހުން ބުނެއެވެ. އަދި އެ އޮފީހުން ބުނީ، ހޫނުމިން އެންމެ މަތިވާނީ މެންދުރު 2:00 ޖަހާއިރު ކަމަށެވެ.
