ގުރައިދޫ ދާއިރާގެ ބައި-އިލެކްޝަން ކާމިޔާބުކުރެއްވި އިބްރާހިމް ޝާޒް ރައްޔިތުންގެ މަޖިލީހުގެ މެމްބަރުކަމުގެ ހުވާ ކުރައްވައިފިއެވެ.
މިއަދު މަޖިލީހުގެ އިދާރާގައި ހެނދުނު 10:00 ޖެހިއިރު އޮތް ރަސްމިއްޔާތެއްގައި ޝާޒްއަށް މެމްބަރުކަމުގެ ހުވާ ލައިދެއްވީ ސުޕްރީމް ކޯޓުގެ ފަނޑިޔާރު އައިޝަތު ސުޖޫން އެވެ.
ގުރައިދޫ ދާއިރާގެ ގޮނޑި އެމްޑީޕީއަށް ފުރަތަމަ ފަހަރަށް ކާމިޔާބުކޮށްދިން ޝާޒް ބައި-އިލެކްޝަން ކާމިޔާބުކުރީ ޕީޕީއެމް އަދި އެމްއެންޕީގެ ކެންޑިޑޭޓް ބަލިކުރުމަށްފަހުއެވެ.
