މިދިޔަ ހަފްތާގައި ރާއްޖެއިން ކޮވިޑް-19 ގެ 199 ކޭސް ފެނިފައިވާ ކަމަށް ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ބުނެފިއެވެ.
އެޗްޕީއޭ އިން ބުނީ، އެޕްރީލް 16 އިން 22 ގެ ނިޔަލަށް ރާއްޖެއިން ޖުމްލަ 199 ކޮވިޑް ކޭސް ފެނިފައިވާއިރު، އޭގެ ތެރެއިން 137 ފެނިފައި ވަނީ މާލެ ސަރަހައްދުން ކަމަށެވެ.
މިވަގުތު ކޮވިޑް-19 ޖެހިގެން 35 މީހަކަށް ހޮސްޕިޓަލުގައި ފަރުވާދެމުން އަންނަ ކަމަށް އެޗްޕީއޭއިން ބުނެއެވެ.
ކޮވިޑް-19 ގެ 186،241 ކޭސް މިހާތަނަށް ރާއްޖެއިން ފެނިފައިވާއިރު، ބަލީގައި ދުނިޔެ ދޫކޮށްފައި ވަނީ 313 މީހުންނެވެ.
