މިފްކޯއިން މަސް ކިރުވައިގެން މަސްވެރިންނަށް 446.74 މިލިއަން ރުފިޔާ ދޫކޮށްފައިވާ ކަމަށް އެ ކުންފުނިން ބުނެފިއެވެ.
މިފްކޯއިން ބުނީ، މި އަހަރުގެ ޖެނުއަރީ 1 އިން އެޕްރީލް މަހުގެ 21 ގެ ނިޔަލަށް މިފްކޯއަށް ޖުމްލަ 26،954 މެޓްރިކް ޓަނުގެ މަސް ކިރާފައިވާ ކަމަށާއި، މިއީ މިދިޔަ އަހަރާ އަޅާބަލާއިރު 14 އިންސައްތައިގެ ކުރިއެރުމެއް ކަމަށެވެ.
މިހާތަނަށް މި އަހަރު މިފްކޯއަށް އެންމެ ގިނައިން މަސް ކިރުވާފައި ވަނީ 20،227 މެޓްރިކް ޓަނާއެކު ކޫއްޑޫއިންނެެވެ. އަދި އައްޑޫއިން 2،259 މެޓްރިކް ޓަނުގެ މަސް ކިރުވާފައިވާއިރު، ފެލިވަރުން 3،320 މެޓްރިކް ޓަނުގެ މަސް ވަނީ ކިރުވާފައެވެ.
