މިދިޔަ މާޗު މަހު ރާއްޖެއިން އެކްސްޕޯޓްކުރި މިންވަރު 50 އިންސައްތަ އިތުރުވެފައިވާ ކަމަށް ކަސްޓަމްސްއިން ބުނެފިއެވެ.
ކަސްޓަމްސް އިން އާންމުކުރި ތަފާސް ހިސާބުތައް ދައްކާގޮތުން މިދިޔަ މާޗު މަހު ރާއްޖެއިން 344 މިލިއަން ރުފިޔާ މުދާ އެކްސްޕޯޓް ކޮށްފައިވާއިރު، އެއީ މިދިޔަ އަހަރަށްވުރެ 116 މިލިއަން ރުފިޔާގެ އިތުރުވުމެއް ކަމަށެވެ.
ރާއްޖެއިން އެކްސްޕޯޓް ކުރާ މުދާ އެންމެ ގިނައިން ފޮނުވާފައި ވަނީ ތައިލޭންޑަށެވެ. އަދި އިންގްލޭންޑް، ފްރާންސް، ތުރުކީއަށްވެސް ރާއްޖެއިން ވަނީ މުދާ އެކްސްޕޯޓްކޮށްފައެވެ.
ރާއްޖެއިން އެންމެ ގިނައިން މިދިޔަ މަހު އެކްސްޕޯޓް ކޮށްފައި ވަނީ ގަނޑުކުރި ދަޅުގައި ބަންދުކޮށްފައި ހުންނަ މަހުގެ ބާވަތްތައް ކަމަށްވެސް ކަސްޓަމްސް އިން ބުނެއެވެ.
