ހދ.ކުޅުދުއްފުށީ މަގު ހެދުމުގެ މަސައްކަތް ބާރަށް ކުރިޔަށްދާ ކަމަށް އާރްޑީސީން ބުނެފިއެވެ.
އާރްޑީސީން ބުނީ، މަޝްރޫއުގެ ދަށުން މާލިހާ މަގާއި ރަންކޮކާ މަގުގައި ސްޓޯރމް ވޯޓަރ ނެޓްވޯކްގެ މަސައްކަތް ކުރަމުން އަންނަ ކަމަށާއި، އަދި ދޮން އުމަރުކަލޭގެފާނު މަގުގައި ކާރބް ސްޓޯން ޖެހުން އަދި ޕޭވިންގ ގެ މަސައްކަތް އަންނަނީ ކުރަމުން ކަމަށެވެ.
ކުޅުދުއްފުށީ މަގުހެދުމުގެ މަޝްރޫއުގެ ފޭސް 2 ގެ ދަށުން 24 މަގެއް ޒަމާނި ފެންވަރަށް ތަރައްގީ ކުރުމަށް ވަނީ ހަމަޖެހިފައެވެ. އެގޮތުން ޖުމްލަ 37،633.90 މީޓަރުގެ މަގު ހަދާނެއެވެ.
މި މަޝްރޫއުގެ ދަށުން ތަރައްގީ ކުރާ މަގުތަކުގައި ސައިޑްވޯކް ހެދުމާއި، ފެންހިނދާ ނިޒާމް ގާއިމް ކުރުމާއި، މަގުބައްތި ހަރުކުރުމުގެ އިތުރުން ސްޕީޑް ބްރޭކަރުތައް ހަރުކުރުމަށް ވަނީ ހަމަޖެހިފައެވެ.
މި މަޝްރޫއަށް 100 މިލިއަނަށްވުރެ ގިނަ ރުފިޔާ ހަރަދުވާނެއެވެ.
