ފަސް ރަށެއްގައި އައިސްޕްލާންޓް ބެހެއްޓުމަށް ފިިޝަރީސް މިނިސްޓްރީން ފެނަކަ ކޯޕަރޭޝަނާ ހަވާލުކޮށްފިއެވެ.
ސައުދީ ފަންޑުގެ އެހީއާއެކު މި އައިސް ޕްލާންޓް ބެހެއްޓުމަށް ހަމަޖެހިފައި ވަނީ ހއ. ދިއްދު އާއި އއ. ރަސްދު އާއި ދ. މީދު އާއި ލ. މާމެންދޫ އަދި ގދ. ރަތަފަންދޫގަައެވެ.
މި މަސައްކަތް ފެނަކައާ ހަވާލުކޮށްފައި ވަނީ 8 މަސް ދުވަހުގެ ތެރޭގައި ނިންމާ ހިދުމަތް ދިނުމަށެވެ.
މި އެއްބަސްވުމުގައި ސޮއިކުރި ރަސްމިއްޔާތުގައި ފިޝާރީސް މިނިސްޓަރ ޑރ.ހުސެއިން ރަޝީދު ހަސަން ވިދާލުވީ، ސަރުކާރުން ވެފައިވާ ވައުދުގެ ދަށުން އައިސް ޕްލާންޓްތައް ބައެއް ރަށްރަށުގައި މިހާރުވެސް ގާއިމުކުރެވިފައިވާ ކަމަށާއި، އަދި މި ފަސް ރަށާއެކު އައިސް ޕްލާންޓް ބެހެއްޓުމަށް ސަރުކާރުންވި ވައުދު ފުރިހަމަވާނެ ކަމަށެވެ.
