ރާއްޖެއަށް ޒިޔާރަތްކުރި ފަތުރުވެރިންގެ އަދަދު ހަަތް ލައްކަ ހުރަސްކޮށްފައިވާ ކަމަށް ޓޫރިޒަމް މިނިސްޓްރީން ބުނެފިއެވެ.
ޓޫރިޒަމް މިނިސްޓްރީން ބުނީ، އިއްޔެގެ ނިޔަލަށް ރާއްޖެއަށް ޖުމްލަ 710،645 ފަތުރުވެރިން ވަނީ ރާއްޖެ ޒިޔާރަތްކޮށްފައިވާ ކަމަށާއި، މިއީ މިދިޔަ އަހަރާ އަޅާބަލާއިރު 17.5 އިންސައްތައިގެ ކުރިއެރުމެއް ކަމަށެވެ.
ރާއްޖެއަށް އެންމެ ގިނައިން ފަތުރުވެރިން ޒިޔާރަތްކުރަނީ ރަޝިއާއިންނެވެ. އަދި ދެވަނައަށް އެންމެ ގިނައިން ޒިޔާރަތްކުރަނީ އިންޑިއާ ފަތުރުވެރިންނެވެ.
ރާއްޖެއިން މި އަހަރު 1.8 މިލިއަން ފަތުރުވެރިން ގެނައުމަށް އަމާޒު ހިފާފައިވާއިރު، މިދިޔަ އަހަރު ރާއްޖެއަށް އައިސްފައިވަނީ 1.6 މިލިއަން ފަތުރުވެރިންނެވެ.
