އެމް.ޑަބްލިޔު.އެސް.ސީ އިން ކޮންޓްރެކްޓް އުސޫލުން "ޕާޓިކަލްސް" ނަމަކަށް ކިޔާ ކުންފުންޒކާއި ޙަވާލުކޮށްގެން ތައްޔާރު "ޓްރާންސްފޯޓް މެނޭޖްމަންޓް އެޕލން" ގެ މަސައްކަތަށް ފައިސާ ނުދީ ހިފަހައްޓައި، އެ ކުންފުނީގެ މުވައްޒަފުން ނަހަމަ ގޮތުގައި ކޮންޓްރެކްޓަރ އާތުން ފައިސާ ހޯދުމަށް މަސއްކަތް ކޮށްފައި ވާކަމަށް ބުނެ، "ޕާޓިކަލްސް ކުންފުނިން ކޮށްފައިވާ ޓުވީޓްގައި ބުނެފައިވާ ވާހަކަތަކަކީ ހަގީގަތާއި ހިލާފް ވާހަކަތަކެއް ކަމަށް އެމްޑަބްލިއުއެސްސީން ބުނެފިއެވެ.
މި މައްސަލައާ ގުޅިގެން އެމްޑަބްލިއުއެސްސީން ބުނީ އެ ކުންފުނީގެ މުވައްޒަފުން އަދާކޮށްފައިވާ ދައުރާއި، ކޮންޓްރެކްޓަރާއި ކުންފުންޏާ ދެމެދު ކަން ހިނގާދިޔ ގޮތް ވަނީ ބަލާފައި ކަމަށާއި، މިގޮތުން މި ކުންފުނިން "ޕާޓިކަލްސް" އަށް ދޭންޖެހޭ ފައިސާ ނުދީ ހިފެހެއްޓުމަށް އެއްވެސް މުވައްޒަފަކު މަސައްކަތް ކޮށްފައި ނުވާކަމަށެވެ. އަދި ކުންފުނީގެ އެއްވެސް މުވައްޒަފަކު ކޮންޓްރެކްޓަރ އަތުން ފައިސާ ހޯދުމަށް އެއްވެސް މުއާމަލާތެއް ހިންގާފައި ނުވާ ކަމަށެވެ.
މީގެއިތުރުން ޕާޓިކަލްސްއާ ދމެދު ވެފައިވާ އެއްބަސްވުމުގައި ބިލަށް ފައިސާ ދެއްކުމަށް ބަޔާން ކޮށްފައިވާ އުސޫލްތަކާ އެމްޑަބްލިއުއެސްސީން އަމަލު ކުރަމުން ދާއިރު، ފައިސާ ދެއްކުމަށް ކަނޑައަޅާފައިވާ މުއްދަތަށް ކޮންޓްރެކްޓަށް ފައިސާ ނުދެއް ލަސްވެފައި ނުވާކަންވެސް އެމްޑަބްލިއެސްސީން ވަނީ ފާހަގަކޮށްފައެވެ.
