އައްޑޫ މީދޫ ދާއިރާގެ ޕީޕީއެމް އިސް މެމްބަރެއް ކަމަށްވާ މުހައްމަދު އިބްރާހިމް ދީދީ (ބޭބެ) އެމްޑީޕީއަށް ސޮއިކޮށްފިއެވެ.
އިބްރާހިމް ދީދީ މިއަދު އެމްޑީޕީއަށް ސޮއިކޮށްފައި ވަނީ ރައީސް އިބްރާހިމް މުހައްމަދު ސޯލިހު އައްޑޫ ސިޓީއަށް ކުރެއްވި ދަތުރުފުޅުގެ ތެރެއިންނެވެ. އޭނާއާއެކު 50 އަށްވުރެ ގިނަ މެމްބަރުން އެމްޑީޕީއަށް ވަނީ ސޮއިކޮށްފައެވެ.
އެމްޑީޕީއަށް ސޮއިކުރުމަށްފަހު އިބްރާހިމް ދީދީ ބުނީ، އޭނާއަކީ ޕީޕީއެމް އުފެދުނީއްސުރެ ޕާޓީގައި އިސްކޮށް ހަރަކާތްތެރިވި މެމްބަރެއް ކަމަށާއި، ނަމަވެސް އެ މަސައްކަތް ޕާޓީން ބަލައިގަނެފައި ނުވާ ކަމަށެވެ. އަދި އޭނާ ވަނީ މި ސަރުކާރަށާއި، ރައީސް ސޯލިހުއަށް ވަރަށް ބޮޑަށް ތައުރީފްވެސް ކޮށްފައެވެ.
