ރ.އިންނަމާދޫ ބަނދަރު ހެދުން އެމްޓީސީސީއާ ހަވާލުކޮށްފި

މިއަދު މިނިސްޓްރީ އޮފް ނޭޝަނަލް ޕްލޭނިންގ، ހައުސިންގ އެންޑް އިންފްރާސްޓްރަކްޗަރގައި އޮތް ރަސްމިއްޔާތުގައި މިނިސްޓްރީގެ ފަރާތުން ސޮއި ކުރެއްވީ ޑިރެކްޓަރ ޖެނެރަލް ފާތިމަތު ޝާނާ ފާރޫޤެވެ. އަދ،ި އެމްޓީސީސީގެ ފަރާތުން ސޮއި ކުރެއްވީ ޗީފް އޮޕަރޭޓިންގ އޮފިސަރ ޝާހިދު ހުސެއިން މޫސާއެވެ.

މި މަޝްރޫއު އެމްޓީސީސީއާ ހަވާލުކޮށްފައި ވަނީ 390 ދުވަހުން ނިންމަން 67.20 މިލިއަން ރުފިޔާއަށެވެ.

މަޝްރޫޢުގެ ދަށުން ކުރަން ހަމަޖެހިފައިވާ މަސައްކަތްތަކަކީ:

• 14,417 ކިއުބިކް މީޓަރުގެ ސަރަޙައްދެއްގެ ކުރިން ފުންކޮށްފައިވާ ފަޅު އަލުން ފުންކުރުން

• 32,310 ކިއުބިކް މީޓަރުގެ ސަރަޙައްދެއްގެ އައު ހާބަރ ބޭސިން ފުންކުރުން

• 950 ކިއުބިކް މީޓަރުގެ ސަރަޙައްދެއްގެ ނެރު ފުންކުރުން

• 204 މީޓަރުގެ ސަރަޙައްދެއްގައި ބޭރުތޮށި ލުން

• 178 މީޓަރުގެ ސަރަހައްދެއްގައި ރިވެޓްމެންޓް ޖެހުން

• 18 މީޓަރުގެ ސަރަޙައްދެއްގައި ގްރޮއިން ޖެހުން

• ވެލިބަރުކޮށްފައިވާ ބޭރުތޮށީގައި 222 މީޓަރުގެ ބޭރު ރިވެޓްމެންޓެއް ޖެހުން

• 472 މީޓަރުގެ ސަރަޙައްދެއްގައި އެއްގަމުތޮށި ލުން

• މޫރިންގ ބޯއީސް ހަރުކުރުން

• 11 މީޓަރު ދިގު 11 މީޓަރު ފުޅާ ރޭމްޕެއް ހެދުން

• ބަނދަރު ބައްތި ހަރުކުރުން

• 2716 އަކަ މީޓަރުގެ ސަރަޙައްދެއްގައި ޕޭވްމަންޓް ހެދުން

• 251 މީޓަރުގެ ކާރބް ހަރުކުރުން