އޮޅުވާލައިގެން އަގުބޮޑުކޮށް ރައްޔިތުންނަށް ތަކެތި ވިއްކާތީ އައްޑޫ މީދޫ ދާއިރާގެ މެމްބަރު ރޮޒައިނާ ކަންބޮޑުވުން ފާޅުކުރައްވައިފިއެވެ.
މެމްބަރު ރޮޒައިނާ ކުރެއްވި ޓުވީޓެއްގައި ވިދާޅުވީ، ޖީއެސްޓީ ބޮޑުވަނީ އަންނަ އަހަރު ކަމަށާއި، ނަމަވެސް ފިޔަފާރިވެރިން އޮޅުވާލައިގެން އެ ނަމުގައި ތަކެތި އަގުބޮޑުކުރަމުން އަންނަ ކަމަށެވެ.
މީގެއިތުރުން ތެޔޮ އަގުބޮޑުވުމުން ތަކެތީގެ އަގު އުފުލޭނެކަން ގަބޫލުކުރައްވާ ރޮޒައިނާ ވިދާޅުވީ، ތެލުގެ އަގު ހެޔޮވުމުން އަގުބޮޑުކުރި ތަކެތީގެ އަގު ހެޔޮ ނުކުރާ ކަމަށެވެ. އަދި މިއީ ވަރަށް ކަންބޮޑުވާ ކަމެއް ކަމަށްވެސް އޭނާ ވަނީ ވިދާޅުވެފައެވެ.
Viyafaariverin migothah rayyithunnah olhuvaalun huttaalan eba jehey. GST ves boduvanee anna aharun feshigen. Ekamu mihaaru ehchehi agu bodu koffa eba buney GST boduvegenney. Mee boduvaru. Theyo agubodu vegen agubodu kuraa ehchehves theyo agu heyo viyas ves dhen agu heveh nukurey! https://t.co/uI4CT4exUf
— 𝐌𝐏 𝐑𝐨𝐳𝐚𝐢𝐧𝐚 𝐀𝐝𝐚𝐦 🎈 (@Roxeyna) December 13, 2022
މުދަލާއި އާންމު ހިދުމަތުގެ އަގުން ނަގާ ޓެކްސް އަދި ފަތުރުވެރިކަމުގެ ދާއިރާއިން ނަގާ ޓެކްސް އަންނަ އަހަރުގެ ފުރަތަމަ ދުވަހުން ފެށިގެން ބޮޑުކުރުމަށް ނިންމައި، ރައީސުލްޖުމްހޫރިއްޔާ ވަނީ އެކަން ތަސްދީގުކުރައްވާފައެވެ.
