ދ.މީދޫ އައު އިންޖީނުގެއާއި އޮފީސް އިމާރާތުގެ މަސައްކަތް ނިންމައި، ހިދުމަތް ދޭން ފަށާފައިވާ ކަމަށް ފެނަކަ ކޯޕަރޭޝަނުން ބުނެފިއެވެ.
މީދޫގައި 300، 520، 640 ކިލޯވޯޓްގެ ޖެނެރޭޓަރެއް ބަހައްޓައިގެން ކަރަންޓް ދެމުން އައި އިރު، ކަރަންޓްގެ ހާލަތު ރަނގަޅު ކުރުމަށް 800 ކިލޯވޯޓްގެ އައު ޖެނެރޭޓަރު ސެޓެއް ވަނީ ބަހައްޓާފައެވެ.
މީދޫ އިންޖީނުގެ އައު އޮފީސް އިމާރާތުގައި 40 މުވައްޒަފުންނަށް މަސައްކަތް ކުރެވޭނެ ޖާގައާއި މީޓިންގ ރޫމަކާއި، ލޮބީ އޭރިއާއެއްގެ އިތުރުން މެނޭޖަރ ރޫމް، ނަމާދުކުރެވޭނެ އިންތިޒާމްތައް ވަނީ ހަމަޖައްސާފައެވެ.
މި ސަރުކާރުން އަންނަނީ ރަށްރަށަށް ދިމާވެފައިވާ ކަރަންޓްގެ މައްސަލަ ހައްލުކުރުމުގެ އިތުރުން އިންޖީނުގޭގެ އިތުރުން އޮފީސް އިމާރާތްތައްވެސް އަޕްގްރޭޑް ކުރަމުންނެވެ.
