ގަލޮޅު ދަނޑު ތަޅާލައި އެތަނުގައި ޒަމާނީ ފުޓްބޯޅަ ސްޓޭޑިއަމެއް ހެދުމުގެ މަސައްކަތް މި ދައުރުގެ ތެރޭގައި ފެށޭނެ ކަމަށް ޔޫތު މިނިސްޓަރު އަހުމަދު މަހްލޫފް ވިދާޅުވެއްޖެއެވެ.
މިނިސްޓަރު މަހްލޫފް ކުރެއްވި ޓުވީޓެއްގައި ވިދާޅުވީ، އިންޑިއާގެ ލައިން އޮފް ކްރެޑިޓްގެ ދަށުން ގާއިމުކުރާ ގަލޮޅު ދަނޑުގެ މަސައްކަތް މި ދައުރުގެ ތެރޭގައި ފެށޭނެ ކަމަށާއި، އަދި ދަނޑުގެ މަސައްކަތް ނިންމާނީވެސް ރައީސް އިބްރާހިމް މުހައްމަދު ސޯލިހުގެ ވެރިކަމުގައި ކަމަށެވެ.
ޝައްކު ނުކުރައްވާ.
އިންޑިއާގެ އެލްއޯސީގެ ދަށުން ގާއިމްކުރާ ގަލޮޅު ދަނޑު، 4 ސިންތެޓިކް ޓްރެކް (ތިނަދޫ، ފުވައްމުލައް، ހިތަދޫ އަދި ކުޅުދުއްފުށި) ، 3 ކޯޓުގެ ވޮލީބޯލް އިންޑޯ، 3 ކޯޓުގެ ނޭޝަނަލް ބާސްކެޓްބޯލް އެރީނާ އަދި ނެޝަނަލް ޓީޓީ ސެންޓަރު ގާއިމްކުރަން ޓެންޑަރކޮށް ބިޑު ނެގުން… https://t.co/cA5ncvNnTM
— Ahmed Mahloof (@AhmedMahloof) July 4, 2023
އިންޑިއާގެ ލައިން އޮފް ކްރެޑިޓްގެ ދަށުން ގދ.ތިނަދޫ، ފުވައްމުލައް ސިޓީ، ސ.ހިތަދޫ އަދި ހދ.ކުޅުދުއްފުށީގައި ގާއިމުކުރާ ތިން ކޯޓުގެ ވޮލީބޯލް އިންޑޯ އާއި ތިން ކޯޓުގެ ނެޝަނަލް ބާސްކެޓްބޯލް އެރީނާ އަދި ނެޝަނަލް ޓީޓީ ސެންޓަރު ގާއިމުކުރަން ޓެންޑަރކޮށް ބިޑު ނެގުމަށް މި ހިނގާ ޖުލައި މަހުގެ 16 ވަނަ ދުވަހު ހަމަޖެހިފައިވާ ކަމަށްވެސް މިނިސްޓަރު މަހްލޫފް ވަނީ ވިދާޅުވެފައެވެ. އަދި މަޝްރޫއުތަކަށް ބޭނުންވާ 42 މިލިއަން ޑޮލަރުވެސް ހަމަޖެހިފައިވާ ކަމަށް މިނިސްޓަރު ވިދާޅުވިއެވެ.
"ގަލޮޅު ދަނޑު ތަޅާލެވޭނީ ހުޅުމާލޭގައި ކުޅެވޭނެ އިންތިޒާމެއް ހަމަޖައްސާފަ. އިރާދަކުރެއްވިއްޔާ މިދައުރުގައި މަސައްކަތްތައްފެށޭނެ. އަދި ނިންމާނީވެސް ރައީސް ސޯލިހުގެ ވެރިކަމުގައި" މިނިސްޓަރ މަހްލޫފް ވިދާޅުވިއެވެ.
