"އިންޓަގްރޭޓެޑް ނޭޝަނަލް ޕަބްލިކް ފެރީ ނެޓްވޯކް" މަޝްރޫއުގެ ދަށުން ގއ. އަދި ގދ. އަތޮޅުގައި އާރްޓީއެލް ލޯންޗު ފެރީގެ ހިދުމަތް މިއަދު ފަށައިފި އެވެ.
ފިޔަވަހިތަކަކަށް ބަހާލައިގެން ކުރިއަށް ގެންދާ މި މަޝްރޫއުގައި ގއ. އަދި ގދ. ހިމެނެނީ ދެވަނަ ފިޔަވަހީގެ ޒޯން 5ގައެވެ. މިއަދު ހިދުމަތްދޭން ފަށާފައިވާއިރު، އަންނަ ބުދަ ދުވަހުގެ ނިޔަލަށް މި ހިދުމަތް ހިލޭ ލިބޭނެކަމަށް އެމްޓީސީސީއިން ވަނީ ބުނެފައެވެ.
We have commenced RTL Ferry Services in Ga and Gdh Atoll on 13th July 2023. We will conduct free of cost travel for 1 week duration. The purpose of the trial period is to facilitate customer awareness and familiarity. With the cessation of the trial period, from 20th July 2023… pic.twitter.com/y51PbMacZt
— MTCC Plc (@MTCCPlc) July 13, 2023
މިއީ، ފެރީގެ ހިދުމަތަށް ރައްޔިތުން އަހުލުވެރިކޮށް، ހިދުމަތް ރަނގަޅަށް ތަޖުރިބާ ކުރުމަށް ފުރުސަތު ދިނުމުގެ ގޮތުންކަމަށްވެސް އެމްޓީސީސީއިން ވަނީ ބުނެފައެވެ. މި މުއްދަތުގައި، ހިލޭ ދަތުރުކުރުމަށް ޖާގަ ހޯދަން ގުޅަން ޖެހޭނީ އެ ރަށެއްގެ ކައުންސިލަށެވެ.
މި ސަރަހައްދުގެ ދަތުރުގެ ހިދުމަތަށް އަގު ނަގަން މިހާރު ނިންމާފައިވަނީ ޖުލައި 20އިން ފެށިގެންނެވެ. އޭގެ ފަހުން ޓިކެޓު ގަތުމަށް ހާއްސަކޮށްފައިވާ ވެބްސައިޓް ނުވަތަ އާރްޓީއެލް ޓްރެވެލް އެޕް މެދުވެރިކޮށް ޓިކެޓް ގަނެވޭނެއެވެ.
އެމްޓީސީސީއިން މައުލޫމާތު ދީފައިވާ ގޮތުގައި، މި ސަރަހައްދުގައި ދަތުރު ކުރާ އާރްޓީއެލް ފެރީތަކަކީ ޖުމްލަ 50 ފަސިންޖަރުންގެ ޖާގައިގެ އެއާކޮންޑިޝަން ކޮށްފައިވާ ފެރީތަކެކެވެ. އަދި، އެންސްޕާގައި ރަޖިސްޓްރީވެފައިވާ ހާއްސަ އެހީއަށް ބޭނުންވާ މީހުންނަށް ހިލޭ ދަތުރުކުރެވޭނެއެވެ.
