ވ.އާރަށް ކުއްޔަށް ދިން މަައްސަލައިގައި ކުރީގެ ރައީސް ޔާމީން އަބްދުލް ގައްޔޫމް 11 އަހަރަށް ޖަލަށްލުމަށް ކްރިމިނަލް ކޯޓުން ހުކުމްކޮށްފިއެވެ.
ޔާމީންގެ މައްޗަށް ސާބިތުވެފައި ވަނީ މަނީ ލޯންޑަރިންގެ ދައުވާ އަދި ރިޝްވަތު ގަބޫލު ކުރުމުގެ ދައުވާއެވެ.
މިގޮތުން ލޯންޑަރިންގެ ދައުވާ ސާބިތުވުމުން ޔާމީނަށް 7 އަހަރުގެ ޖަލު ހުކުމެއް އިއްވާފައިވާއިރު، ރިޝްވަތު ގަބޫލު ކުރުމުގެ ދައުވާ ސާބިތުވުމުން އެމަނިކުފާނަށް 4 އަހަރުގެ ޖަލު ހުކުމެއް ވަނީ އިއްވާފައެވެ.
މީގެއިތުރުން ޔާމީން ވަނީ 5 މިލިއަން ޑޮލަރުން ޖޫރިމަނާވެސް ކޮށްފައެވެ. އަދި މި ފައިސާ 6 މަސް ދުވަސް ތެރޭގައި ދެއްކުމަށްވެސް ވަނީ އަމުރުކޮށްފައެވެ.
