ތ.މަޑިފުށީ ކައުންސިލް ރައީސް އަޙްމަދު ނަޝީތު އަދި މ.މަޑުއްވަރީ ކައުންސިލްގެ ދެ މެންބަރުންކަމަށްވާ ފާތިމަތު ޝަރާ މުޙައްމަދު އާއި ހައްވާ އިލްހާމާ އެމްޑިޕީއަށް ސޮއިކޮށްފިއެވެ.
މިއަދު ބޭއްވި ރަސްމިއްޔާތެއްގައި މަޑިފުށީ ކައުންސިލްގެ ރައީސް ނަޝީތުގެ އިތުރުން މަޑުއްވަރީ ކައުންސިލްގެ ދެ މެމްބަރުން ކަމަށްވާ ފާތިމަތު ޝަރާ އަދި ހައްވާ އިލްހާމާ އެމްޑީޕީއަށް ސޮއިކުރައްވާ ޕާޓީގެ އިސް ލީޑަރު ރައީސް އިބްރާހިމް މުހައްމަދު ސޯލިހުއާ ވަނީ ފޯމް ހަވާލު ކުރައްވާފައެވެ.
މ.މަޑުއްވަރީ ކައުންސިލްގެ ދެ މެންބަރުންކަމަށްވާ ފާތިމަތު ޝަރާ މުޙައްމަދު އާއި ހައްވާ އިލްހާމާ އިތުރު ބަޔަކާއެކު މިއަދު އެމްޑީޕީއަށް ސޮއި ކުރައްވައިފި. #Ibu2023 #VoteMDP#UfaaveriAmaanRaajje pic.twitter.com/cRDcjBaKvx
— MDP Secretariat (@MDPSecretariat) July 28, 2023
މަޑުއްވަރީ ކައުންސިލް މެމްބަރު ފާތިމަތު ޝަރާ އަދި ހައްވާ އިލްހާމާ އެމްޑީޕީއާ ގުޅިފައިވަނީ އިތުރު ބަޔަކާވެސް އެކުގައިކަން ފާހަގަކޮށްލެވެއެވެ.
އެމްޑީޕީއާށް މެމްބަރުން އިތުރު ކުރަން ކުރާ މަސައްކަތުގެ ތެރެއިން މަޖިލިސް މެމްބަރުންނާއި، ކައުންސިލްތަކުގެ ރައީސުން އަދި ކައުންސިލް މެމްބަރުންގެ އިތުރުން އާންމު ގިނަ ބަޔަކުވެސް އަންނަނީ ޕާޓީއާ ގުޅެމުންނެވެ.
