މި މަހު 28 ވަނަ ދުވަހު ބާއްވާ އެމްޑީޕީގެ ރިޔާސީ ޕްރައިމަރީގައި ވޯޓުލުމުގެ ހައްގު ލިބިފައިވާ މީހުންގެ ދާއިމީ ވޯޓާސް ލިސްޓު އާންމުކޮށްފިއެވެ.
މި ލިސްޓް އާންމުކޮށްފައި ވަނީ މިދިޔަ މަހު އާންމުކުރި ވަގުތީ ލިސްޓަށް ހުށަހެޅުނު ޝަކުވާތަކަށް ރިޔާއަތް ކުރުމަށްފަހުއެވެ. އެގޮތުން ޝަކުވާތަކަށް ރިޔާއަތްކޮށް 459 މެމްބަރުން އެމްޑީޕީން ވަނީ އުނިކޮށްފައެވެ.
އެމްޑީޕީގެ ރިޔާސީ ޕްރައިމަރީގައި 57،255 މީހުންނަށް ވޯޓު ލުމުގެ ހައްގު ލިބިފައިވާއިރު، ޕްރައިމަރީގައި ވާދަކުރައްވަނީ ރައީސް އިބްރާހިމް މުހައްމަދު ސޯލިހު އާއި ކުރީގެ ރައީސް މުހައްމަދު ނަޝީދުއެވެ.
