މާލެ އާއި ހުޅުމާލެއާ ދެމެދު ދެމުން އަންނަ އާރްޓީއެލް ބަހުގެ ހިދުމަތް 24 ގަޑިއިރަށް އެމްޓީސީސީން ބަދަލުކޮށްފިއެވެ.
އެމްޓީސީސީން ކުރި އިއުލާނެއްގައި ބުނީ، މިއަދުން ފެށިގެން މާލޭ ވެސްޓް ޕާކް ރޫޓް އިން ހުޅުމާލެއަށް 24 ގަޑިއިރު ބަހުގެ ހިދުމަތް ދޭނެ ކަމަށާއި، މިގޮތުން ދަންވަރު 00:15 ގައި އޮންނަ ދަތުރަށް ފަހު ފަތިހު 05:15 ވަންދެން ކޮންމެ ގަޑިއިރަކުން ބަސް ދަތުރެއް އޮންނާނެ ކަމަށެވެ.
އެމްޓީސީސީން އާރްޓީއެލް ބަހުގެ ހިދުމަތް ފުޅާކުރަމުން އަންނައިރު، އެމްޓީސީސީން ވަނީ ހިދުމަތަށް އިތުރު ބަސްތަކެއްވެސް ނެރެފައެވެ. އަދި ބަހުގެ ހިދުމަތަށް ބޮޑު ތަރުހީބެއް ލިބޭ ކަމަށ ްއެ ކުންފުނިން ބުނެއެވެ.
