އިންޑިއާ ސިފައިން ހދ.ހަނިމާދޫ އިން ހުޅުލޭގެ ވެލާނާ އިންޓަނޭޝަނަލް އެއާޕޯޓަށް ގެންދިޔަ ކަމަށް ބުނެ ޕީޕީއެމް/ޕީއެންސީގެ އެކްޓިވިސްޓުން ފަތުރަމުންދިޔައީ ދޮގެއްކަން ފަޅާއަރައިފިއެވެ.
ޕީޕީއެމް/ޕީއެންސީގެ އެކްޓިވިސްޓުން ކުރި ޓުވީޓުގައި އިންޑިއާ ސިފައިން ހަނިމާދޫ އިން ހުޅުލެއަށް ގެންގޮސް އެތަނުގައި އިންތިހާބު ނިމެންދެން ބައިތިއްބަން އުޅޭ ކަމަށާއި، ހަނިމާދޫ އެއާޕޯޓްގައިވެސް އިންޑިއާ ސިފައިން ތިބި ކަމަށެވެ.
They landed at VIA a few minutes ago. #IndiaOut #ChaoruOut https://t.co/QOqrsbvm2T pic.twitter.com/73cAbjqJej
— Pokman 🇲🇻 (@PokmanMV) September 11, 2023
އެމްއެންޑީއެފް އިން ބުނީ، ޑރ.އަބްދުލް ސަމަދް މެމޯރިއަލް ހޮސްޕިޓަލުގައި ފަރުވާ ހޯދަމުންދިޔަ ދެ އަހަރުގެ ކުޑަކުއްޖަކު އެމްއެންޑީއެފްގެ ޑޯނިއާ މަތިންދާ ބޯޓުގައި އެމަޖެންސީގައި މާލެ ގެނެވިފައިވާ ކަމަށެވެ. އަދި މިއާއެކު ހާމަވެގެން ގޮސްފައި ވަނީ ޕީޕީއެމް/ޕީއެންސީގެ އެކްޓިވިސްޓުން އާންމުކޮށްފައިވާ ވީޑިއޯ އިން ފެންނަނީ އެމަޖެންސީގައި ހުޅުލެއަށް ޖެއްސި އެމްއެންޑީއެފްގެ ޑޯނިއާ މަތިންދާ ބޯޓު ކަމެވެ.
A medical evacuation of a 2-year-old infant in critical condition was carried out from Dr. Abdul Samad Memorial Hospital to Male' City by MNDF Southern Area Command via Dornier Aircraft today at 14:45 hours. pic.twitter.com/i1KGnenwOj
— Maldives National Defence Force (@MNDF_Official) September 11, 2023
މިކަމާ ގުޅިގެން ރައީސް ސޯލިހުގެ ތަރުޖަމާން މިއުވާން މުހައްމަދު ކުރެއްވި ޓުވީޓެއްގައި ވިދާޅުވީ، އެމްއެންޑީއެފްގެ ޑޯނިއާ މަތިންދާ ބޯޓުގައި ތިނަދޫއިން ހާލު ދެރަ ކުޑަކުއްޖެއް މާލެ ގެނައުމަށް ވަމުންދިޔަ ތައްޔާރީތައް އޮޅުވާލައި، ރައްޔިތުންގެ ހިތުގައި ބިރުވެރިކަމާއި ނަފްރަތު އުފެދޭގޮތަށް ޚަބަރު ފެތުރުމަކީ ނޫސްވެރިކަމުގެ ހަމަތަކާއި މުޅިން ޚިލާފު، ދަށު ދަރަޖައިގެ ޢަމަލެއް ކަމަށެވެ.
އެމްއެންޑީއެފްގެ ޑޯނިއާ މަތިންދާ ބޯޓުގައި ތިނަދޫއިން ހާލު ދެރަ ކުޑަކުއްޖެއް މާލެ ގެނައުމަށް ވަމުންދިޔަ ތައްޔާރީތައް އޮޅުވާލައި، ރައްޔިތުންގެ ހިތުގައި ބިރުވެރިކަމާއި ނަފްރަތު އުފެދޭގޮތަށް ޚަބަރު ފެތުރުމަކީ ނޫސްވެރިކަމުގެ ހަމަތަކާއި މުޅިން ޚިލާފު، ދަށު ދަރަޖައިގެ ޢަމަލެއް
— Miuvaan Mohamed (@MvSpokesperson) September 11, 2023
ހަނިމާދޫގައި އިންޑިއާ ސިފައިން އުޅޭ ކަމަށް އިދިކޮޅުން ތަކުރާރުކޮށް ބުނަމުން އައި ނަމަވެސް މިހާތަނަށް އެއްވެސް ހެއްކެއް ހާމަކޮށްފައެއް ނުވެއެވެ. އަދި މިފަހަރުގެ ރިޔާސީ އިންތިހާބުގައި ހަނިމާދޫގެ ވޯޓުލާ އާބަދީގެ 81 އިންސައްތަ ރައްޔިތުން ވޯޓުލާފައިވާއިރު 534 މީހަކު ވޯޓުލާފައި ވަނީ ރައީސް ސޯލިހުއަށެވެ. އަދި އިދިކޮޅު ކެންޑިޑޭޓް މުއިއްޒުއަށް ވޯޓުލާފައި ވަނީ 348 މީހުންނެވެ.
