ޖުމްހޫރީ ޕާޓީގެ ލީޑަރު ގާސިމް އިބްރާހިމްގެ އެޑްވައިޒަރު އަދި ދަނގެތީ ދާއިރާގެ ކުރީގެ މެމްބަރު އިލްހާމް އަހުމަދު އެމްޑީޕީއަށް ސޮއިކުރައްވައިފިއެވެ.
އުފާވެރި އަމާންރާއްޖެ ހުވަދޫ މާލެ ޖަހައިގައި ކުރިޔަށްދިޔަ ކަންމަތީ ޖަލްސާގައި އިލްހާމް އެމްޑީޕީއަށް ސޮއިކުރައްވާފައިވާއިރު، އޭނާ އެމްޑީޕީއަށް ސޮއިކުރި ފޯމް ހަވާލުކުރެއްވީ އެމްޑީޕީގެ ރިޔާސީ ކެންޑިޑޭޓް ރައީސް ސޯލިހުއާއެވެ.
ޑީއާރްޕީން ސިޔާސީ ކެރިޔަރު ފެށި އިލްހާމް ވަނީ އެ ޕާޓީގެ ޓިކެޓްގައި ގެމަނަފުށީ ދާއިރާގެ މެމްބަރުކަން އެއް ދައުރު ފުރިހަމަ ކުރައްވާފައިވާއިރު، އޭނާ ވަނީ ޕީޕީއެމްގެ ނައިބްރައީސްކަން ވެސް އަދާކޮށްފައެވެ. އަދި އިލްހާމް ވަނީ ޖޭޕީގެ ޓިކެޓުގައި ދަނގެތީ ދާއިރާއަށް އިންތިހާބުވެ އެއް ދައުރު ފުރިހަމަކޮށްފައެވެ.
