ޓޫރިޒަމް އިންޑަސްޓްރީގައި މަސައްކަތްކުރާ ފަރާތްތަކަށް ފްލެޓް ދިނުމަށް ސަރުކާރުން ނިންމައިފިއެވެ.
ރާއްޖެ ޓީވީއަށް ދިން އިންޓަވިއުއެއްގައި ޕްލޭނިން މިނިސްޓްރީގެ ސްޓޭޓް މިނިސްޓަރު އަކްރަމް ކަމާލުއްދީން ވިދާޅުވީ، ޓޫރިޒަމް އިންޑަސްޓްރީގައި މަސައްކަތް ކުރާތާ 15 އަހަރު ވެފައިވާ ފަރާތްތަކަށް އަމާޒުކޮށްގެން 300 ފްލެޓް ދިނުމަށް ރައީސް އިބްރާހިމް މުހައްމަދު ސޯލިހު ނިންމާފައިވާ ކަމަށެވެ.
މީގެއިތުރުން އަކްރަމް ވިދާޅުވީ، މިއީ ދާދި ފަހުން ރައީސް ސޯލިހު އިއުލާނު ކުރެއްވި 6،000 ފްލެޓުގެ ތެރެއިން ޓޫރިޒަމް އިންޑަސްޓްރީއަށް ޚާއްސަކޮށްގެން ދޭ ފްލެޓުތަކެއް ކަމަށެވެ.
