ރިޔާސީ އިންތިހާބުގެ ދެވަނަ ބުރުގައި ވޯޓުލާން ކަނޑައެޅިފައިވާ ވަގުތު ހަމަވުމުން ކިއުތައް އިލެކްޝަންސް ކޮމިޝަނުން ބަންދުކޮށްފިއެވެ.
އިލެކްޝަންސް ކޮމިޝަނުން ބުނީ، ދެވަނަ ބުރުގެ ވޯޓު ނެގުމުގެ ވަގުތު 17:00 އަށް ހަމަވެ ކިއުތައްވަނީ ބަންދުކުރެވިފައި ކަމަށާއި، 17:00 އާހަމައަށް ކިއުގައި މީހުންތިބިނަމަ އެ ބޭފުޅުން ވޯޓުލާ ނިމުމުން ފޮށި ބަންދުކުރެވޭނެ ކަމަށެެވެ.
އިލެކްޝަންސް ކޮމިޝަނުން ހާމަކޮށްފައިވާ ތަފާސް ހިސާބުތައް ދައްކާގޮތުން ވޯޓުލުމުގެ ހައްގު ލިބިފައިވާ 282،804 މީހުންގެ ތެރެއިން ހަވީރު 16:00 ޖެހުމާ ހަމައަށް 221،496 މީހުން ވަނީ ވޮޓުލާފައެވެ.
