ރާއްޖެއަށް ބޭސް ގެނައުމަށް އިންޑިއާ ކުންފުންޏަކާއެކު އެއްބަސްވުމެއްގައި ސޮއިކުރަން އުޅޭ ކަމަށް އިންތިހާބީ ރައީސްގެ އޮފީހުން ބުނެފައިވީ ނަމަވެސް، އެފަދަ އެއްވެސް އެއްބަސްވުމެއްގައި ސޮއިކުރަން ނޫޅޭ ކަމަށް އެސްޓީއޯއިން ބުނެފިއެވެ.
އެސްޓީއޯއިން ބުނީ، ބޭސް ގެނައުމާ ގުޅޭ އެއްވެސް އެއްބަސްވުމެއްގައި އެސްޓީއޯއިން މި ވަގުތު ސޮއިކުރަން ނޫޅޭ ކަމަށާއި، އަދި އެފަދަ ކަމެއް ހުއްޓުމަށް އެއްވެސް ފަރާތަކުން އެ ކުންފުންޏަށް މިހާތަނަށް އަންގާފައި ނުވާ ކަމަށެވެ.
އިންތިހާބީ ރައީސްގެ އޮފީހުގައި މިއަދު ބޭއްވި ނޫސްވެރިންގެ ބައްދަލުވުމުގައި ޑރ.މުހައްމަދު މުއިއްޒުގެ ތަރުޖަމާން ފިރުޒުލް މުހައްމަދު ވިދާޅުވީ، ރާއްޖެއަށް ބޭސް ގެނައުމަށް އިންޑިއާ ކުންފުންޏަކާއެކު އެސްޓީއޯއިން އެއްބަސްވުމެއްގައި ސޮއިކުރަން އުޅޭ ކަމަށާއި، އެ އެއްބަސްވުމުގެ ކަންތައް މަޑު ޖައްސާލުމަށް އިންތިހާބީ ރައީސް އެދިފައިވާ ކަމަށެވެ.
