ދިގު މުއްދަތަކަށް ބަހާލައިގެން ވިނަރެސް ފްލެޓްތަކަށް ކުލިދައްކާ ފަރާތްތަކަށް ކަނޑައެޅިފައިވާ އިންޓަރެސްޓް ރޭޓް %9 އިން %6 އަށް ކުޑަކޮށްފިއެވެ.
އާބަންކޯއިން ބުނީ، ވިނަރެސް ފްލެޓްތަކުގެ ކުލި %6 އަށް ކުޑަކޮށްފައިވާ ކަމަށާއި، މީގެ ސަބަބުން ދިގު މުއްދަތަކަށް ބަހާލައިގެން ކުލި ދައްކާ ފަރާތްތަކަށް ފައިސާ ދެއްކުމުގައި ލުއި ވެގެންދާނެ ކަމަށެވެ.
މި ބަދަލު ގެނެވިފައިވަނީ ހަމައެކަނި ދިގު މުއްދަތައް ބަހާލައިގެން ފައިސާދައްކާ ފަރާތްތަކަށްކަން ފާހަގަކޮށް އާބަންކޯއިން ބުނީ، މާލޭ ސަރަހައްދުގައި ދިރިއުޅޭ ފަރާތްތަކަށް ދިމާވެފައިވާ ބޯހިޔާވަހިކަމުގެ މައްސަލައަށް ހައްލު ހޯދައިދިނުމަށް އާބަންކޯ އިން އިސްނަގައިގެން ގިނަ މަސައްކަތްތަކެއް މިހާރުވެސް ދަނީ ކުރަމުން ކަމަށެވެ.
މިގޮތުން ހުޅުމާލޭގެ ބޯހިޔާވަހިކަން ފޯރުކޮށްދިނުމަށް އާބަންކޯ އިން ހިންގާފައިވާ މި މަޝްރޫއުގައި މިހާތަނަށް 288 ފަރާތަކާއެކު އެގްރީމެންޓްގައި ވަނީ ސޮއި ކުރެވިފައި ކަމަށްވެސް އާބަންކޯއިން ބުނެއެވެ.
