އިންޑިއާއާ ދެކޮޅަށް ދިވެހިން ކަންކަން ކުރުމަކީ ދިވެހިންނަށް އެންމެ ރަނގަޅު ގޮތް ނޫން ކަމަށް ކުރީގެ ރައީސް މުހައްމަދު ނަޝީދު ވިދާޅުވެއްޖެއެވެ.
ރައީސް ނަޝީދު ކުރެއްވި ޓުވީޓެއްގައި ވިދާޅުވީ، ރާއްޖޭގެ ރައްޔިތުންގެ އެންމެ ޒަމާންވީ އެކުވެރި އަވަށްޓެރި ގައުމަކީ އިންޑިއާ ކަމަށާއި، އަދި ދިވެހިންނަށް އެންމެ އެހީތެރިވާ ގައުމަކީވެސް އިންޑިއާ ކަމަށެވެ. މިގޮތުން އެ ގައުމާ ދެކޮޅަށް މަސައްކަތް ކުރުން ރަނގަޅު ނޫން ކަމަށެވެ.
ރައީސް ނަޝީދު މިހެން ވިދާޅުވެފައި ވަނީ ރާއްޖޭގައި އިންޑިއާ 77 ސިފައިން ތިބި ކަމަށާއި، އެ ސިފައިން ފޮނުވާލުމަށް އިންޑިއާ ސަރުކާރުގައި ރަސްމީކޮށް އެދިފައިވާ ކަމަށް ރައީސް ދިވެހި ސަރުކާރުން އިއުލާން ކޮށްފައިވާ ދަނޑިވަޅެއްގައެވެ. ރާއްޖޭގައި ތިބި އިންޑިއާ ސިފައިން އިންޑިއާއަށް އަނބުރާ ފޮނުވާލުމަކީ ރައީސް ޑރ.މުހައްމަދު މުއިއްޒުގެ ރިޔާސީ ވައުދެކެވެ.
