އައްޑޫ ސިޓީން ގެއްލިގެން ހޯދަމުންދިޔަ ފުލުހަކު މަރުވެފައި އޮއްވާ ފެނިއްޖެއެވެ.
ފުލުހުން ބުނީ، އައްޑޫ ސިޓީގައި ހުންނަ ނެޝަނަލް ކޮލެޖް އޮފް ޕޮލިސިން އެންޑް ލޯ އެންފޯސްމަންޓްގައި ޑިއުޓީ ކުރާ ސްޕެޝަލް ކޮންސްޓެބްލަރީ ކޮންސްޓެބަލް އަބްދުﷲ ޔަމާން ފިރާގު ރޭ އިޝާ ނަމާދަށް ދިޔަ ގޮތަށް ހަބަރެއް ނުވާކަމަށް ރޭ 12:40 ގައި ރިޕޯޓް ކޮށްފައިވާ ކަމަށާއި، އަދި އޭނާ ހޯދުމުގެ މަސައްކަތް ކުރަމުން ދަނިކޮށް ރޭ 1:40 ހާއިރު ހިތަދޫ ސްވިމިން ޓްރެކް ސަރަހައްދުން ފެނިފައިވާ ކަމަށެވެ.
އުމުރުން 22 އަހަރުގެ ޔަމާން މޫދުން ނަގައިގެން އައްޑޫ އިކުއަޓޯރިއަލް ހޮސްޕިޓަލަށް ގެންދިޔައިރުވެސް އޮތީ މަރުވެފައި ކަމަށް ހޮސްޕިޓަލާ ހަވާލާދީ ފުލުހުން ބުނެއެވެ. އަދި މި މައްސަލަ ތަހުގީގު ކުރަމުން އަންނަ ކަމަށްވެސް އެ އިދާރާއިން ބުނެއެވެ.
