ޕްރައިވެޓައިޒޭޝަން އެންޑް ކޯޕަރަޓައިޒޭޝަން ބޯޑު (ޕީސީބީ) ގެ މެމްބަރު ކަމަށް އައްޔަނުކުރިތާ ހަފްތާއެއް ނުވަނީސް ސްޓެލްކޯގެ ކުރީގެ މެނޭޖިން ޑިރެކްޓަރު ހަސަން މުގުނީ މަގާމުން ވަކިކޮށްފިއެވެ.
ޕީސީބީގެ ބޯޑަށް މިދިޔަ ބުރާސްފަތި ދުވަހު މުގުނީ އައްޔަނުކުރައްވާފައިވާއިރު، އިއްޔެ ބޯޑު އަލުން އެކުލަވާލައި ތަފްސީލު އިއްޔެ އާންމުކުރި އިރު މުގުނީގެ ނަމެއް ނެތެވެ. ނަމަވެސް ރައީސް އޮފީހުގެ ވެބްސައިޓުގައި މުގުނީ ޕީސީބީއަށް އައްޔަނުކުރި ހަބަރު އަދިވެސް ފެންނަން އެބަ އޮތެވެ.
— Privatization & Corporatization Board (@pcb_gov) November 28, 2023
ޕީސީބީގައި ތިބޭ މެމްބަރުންގެ ޖުމްލައަކީ ރައީސް އާއި ނައިބު ރައީސް އާއި ފަސް ދާއިރާއަށް ނިސްބަތްވާ ފަސް މެމްބަރުން ހިމެނޭހެން ހަތެކެވެ.
