ވެރިކަންކުރާ ޕީޕަލްސް ނޭޝަނަލް ކޮންގްރެސް (ޕީއެންސީ)ގެ ސެކެޓްރީ ޖެނެރަލްގެ މަގާމުން އިސްތިއުފާ ދެއްވައި، ފުވައްމުލަކު މެދު ދާއިރާގެ ކުރީގެ މެންބަރު ޝިފާގު މުފީދު (ހިސްޓޯ) ޕީޕަލްސް ނޭޝަނަލް ފްރޮންޓު (ޕީއެންއެފް) އާ ގުޅިވަޑައިގަތުމަށް ނިންމަވައިފިއެވެ.
ޕީއެންސީގެ ރައީސް ޑރ.މުހައްމަދު މުއިއްޒުއަށް އެޑްރެސް ކުރައްވައި ހިސްޓޯ ފޮނުއްވި ސިޓީގައި ވިދާޅުވީ، ދިވެހީންގެ ރާއްޖެއަށް ދިވެހިން އެދޭ މަގަށް ގެންދެވޭނެ ކަމަށް ގަބޫލުނުކުރެވޭތީ އެސްޖީ ކަމުންނާއި އަދި ޕާޓީގެ މެމްބަރުކަމުން އިސްތިއުފާ ދިނުމަށް ނިންމަވާފައިވާ ކަމަށެވެ.
"މަނިކުފާނާއި އަޅުގަނޑު ނިސްބަތްވާ ޕާޓީ ހިނގާ މަގަކީ، "ހައްދުންމަތިން" އަންނަ މީހަކު ޕާޓީ އޮފީސް ތެރެއިން އަޑަފި ހިއްޕަވައިގެން ނުކުންނަވައި، ޕްރޮގްރެސިވް ކޮންގްރެސްގެ އެންމެ މެންބަރުންގެ މޫނަށް "ހައްޕުނޑު" ބުރުވުމުގެ ނޭއްގާނީ އުސޫލަށް ވަނީ ވެފައި" ހިސްޓޯގެ ސިޓީގައި ވިދާޅުވެފައިވެއެވެ.
ޕީޕީއެމް ދޫކުރައްވައި، ކުރީގެ ރައީސް ޔާމީން އިސްވެ ހުންނަވައި އުފެއްދެވި ޕީއެންއެފްއަށް ޕީއެންސީގެ އިތުރުން ޕީޕީއެމްގެ ގިނަ އަދަދެއްގެ މެމްބަރުން އަންނަނީ ސޮއިކުރަމުންނެވެ.
