އަމީނީ މަގުގެ ފަހު ދެ ސެގްމަންޓް ނިންމަން 50 ދުވަސް ނަގާނެ ކަމަށް އެ މަސައްކަތް ކުރަމުން އަންނަ ރޯޑް ޑިވެލޮޕްމަންޓް ކޯޕަރޭޝަން (އާރްޑީސީ) އިން ބުނެފިއެވެ.
އަމީނީ މަގުގެ ފަހު ދެ ސެގްމަންޓްގެ މަސައްކަތް މިއަދު ފަށާފައިވާއިރު، އާރްޑިސީން ބުނީ އަމާޒަކީ 50 ދުވަސް ތެރޭގައި މަސައްކަތް އެއްކޮށް ނިންމާލުން ކަމަށާއި، ނަމަވެސް ވިއްސާރަވުމާއި ބިމުގެ އަޑީގެ ހާލަތަށް ބެލުމަށްފަހު މަސައްކަތުގެ ސްޕީޑަށް ލަސްތަކެއް އައުމަކީ އެކަށީގެންވާ ކަމެއް ކަމަށެވެ.
އަމީނީ މަގުގެ މަޝްރޫއުގައި ޖުމްލަ 13 ސެގްމަންޓް ހިމެނޭއިރު، އޭގެ ތެރެއިން 11 ސެގްމަންޓްގެ މަސައްކަތް ނިންމީ ކުރީ ސަރުކާރުންނެވެެ.
މި މަޝްރޫޢުގެ ދަށުން 1.79 ކިލޯމީޓަރުގެ ސަރަހައްދެއް ތާރު އަޅައިގެން ޒަމާނީ ފެންވަރަށް ތަރައްޤީކުރާނެއެވެ. އަދި މަޝްރޫއަށް 84.4 މިލިއަން ރުފިޔާ ހަރަދުވާނެއެވެ.
