ތިން ދުވަސް ފަހުން އައްޑޫ ސިޓީގެ ގުޅިފައިވާ ރަށްތަކަށް ފެނުގެ ހިދުމަތް ލިބޭ ގޮތްވެއްޖެއެވެ.
ފެނަކައިން ބުނީ، އައްޑޫގެ ގުޅިފައިވާ ރަށްތަކުން ފެނުގެ ހިދުމަތް މެދުކެނޑުނީ ސްޕެއާ އަކަށް މައްސަލަ ދިމާވެގެން ކަމަށާއި، އެ ސްޕެއާ މާލެއިން ގެނެސްގެން މައްސަލަ ހައްލުކޮށް މިހާރު ފެނުގެ ހިދުމަތް އަލުން ދޭން ފަށާފައިވާ ކަމަށެވެ.
އައްޑޫގެ ގުޅިފައިވާ ރަށްތައް ކަމަށްވާ ހިތަދު އާއި މަރަދު އާއި މަރަދޫފޭދޫ އަދި ފޭދޫ އިން ފެނުގެ ހިދުމަތް މެދުކެނޑުނީ މިދިޔަ ބުރާސްފަތި ދުވަހުއެވެ.
