ރައީސުލްޖުމްހޫރިއްޔާ ޑރ.މުހައްމަދު މުއިއްޒު، އެޑްވައިޒާ ޓު ދަ މިނިސްޓާ އޮފް ފިނޭންސްގެ މަގާމަށް، އަހްމަދު ނަސީރު، މުސްތަރީގެ، ކ. މާފުށި، އަދި އަހްމަދު މުނައްވަރު، ދަފްތަރު ނަންބަރު ރސ 99031 އައްޔަނުކުރައްވައި މަގާމުގެ ފަތްކޮޅު ދެއްވައިފިއެވެ.
މި ދެބޭފުޅުންނަށް މަގާމުގެ ފަތްކޮޅު ދެއްވާފައިވަނީ މިކަމަށްޓަކައި މިއަދު ހެނދުނު ރައީސް އޮފީހުގައި ބޭއްވެވި ރަސްމިއްޔާތެއްގައެވެ.
މި ދެބޭފުޅުން އެޑްވައިޒާ ޓު ދަ މިނިސްޓާ އޮފް ފިނޭންސްގެ މަގާމަށް މިނިސްޓަރުންގެ ފެންވަރުގައި އައްޔަނު ކުރައްވާފައިވާއިރު، އަދި، ދެ ބޭފުޅުންގެ މަސްއޫލިއްޔަތުތަކުގެ ތެރޭގައި ވަޒީރުންނަށް ބޭނުންވާ މާލީ އިރުޝާދު ދިނުން ހިމެނެއެވެ.
އެޑްވައިޒަރު ކަމަށް އައްޔަންކުރެއްވި މުނައްވަރު ޕީޕީއެމް ސަރުކާރުގައި ފިނޭންސް މިނިސްޓަރުގެ މަގާމު ފުރުއްވާފައިވައިވެއެވެ. އަދި ނަސީރު ވަނީ އެމްއެމްއޭގެ ގަވަރުނަރުގެ މަގާމު ފުރުއައްވާފައެވެ.
