މާލޭގެ މޭޔަރު ކަމަށް ކުރިމަތިލައްވާފައިވާ 5 ކެންޑިޑޭޓުންވެސް ޕީއެސްއެމް މޭޔަރުންގެ ބަހުސްގައި ބައިވެރިވާނެ ކަމަށް ޕީއެސްއެމްއިން ބުނެފިއެވެ.
ޕީއެސްއެމް އިން ބުނީ، މާލޭގެ މޭޔަރުކަމަށް ވާދަކުރައްވާ ކެންޑިޑޭޓުންނަށް ހާއްސަކޮށްގެން ޕީއެސްއެމުން ބާއްވާ މޭޔަރުންގެ ބަހުސްގައި ބައިވެރިވުމުގެ ދައުވަތު ހުރިހާ ކެންޑިޑޭޓުންވެސް ޤަބޫލުފުޅުކުރައްވާފައިވާ ކަމަށާއި، މި ބަހުސް އޮންނާނީ އަންނަ މަހުގެ 6 ވަނަ ދުވަހު ކަމަށެވެ.
މޭޔަރު އިންތިހާބުގައި ވާދަކުރައްވާ ފަސް ކެންޑިޑޭޓުން:
• ކެންޑިޑޭޓް ނަންބަރު 1: ޝުޢައިބު ޢަލީ/ އަމިއްލަ ގޮތުން
• ކެންޑިޑޭޓް ނަންބަރު 2: ޙުސައިން ވަހީދު / އަމިއްލަ ގޮތުން
• ކެންޑިޑޭޓް ނަންބަރު 3: ޢާއިޝަތު ޢާޒިމާ ޝަކޫރު / ޕީއެންސީ
• ކެންޑިޑޭޓް ނަންބަރު 4: އާދަމް ޢާޒިމް / އެމްޑީޕީ
• ކެންޑިޑޭޓް ނަންބަރު 5: ސައިފް ފާތިހު / ދަ ޑިމޮކްރެޓްސް
މާލެ ސިޓީއަށް މޭޔަރަކު ހޮވުމަށް ބާއްވާ އިންތިހާބު އޮންނާނީ އަންނަ ޖެނުއަރީ މަހުގެ 13 ވަނަ ދުވަހުއެވެ.
