އަންނަ ހޮނިހިރު ދުވަހު ބާއްވާ އެމްޑީޕީގެ ޕްރައްިމަރީގައި ރައީސް ސޯލިހުގެ ކެމްޕޭން ނިންމާ ޖަލްސާ އައްޑޫ ސިޓީގައި ބޭއްވުމަށް ނިންމައިފިއެވެ.
ރައީސް ސޯލިހުގެ ކެމްޕޭން ޓީމުން ބުނީ، އެމަނިކުފާނުގެ ކެމްޕޭން ނިންމާ ޖަލްސާ އޮންނާނީ އަންނަ ބުރާސްފަތި ދުވަހުގެ ރޭ އައްޑޫ ސިޓީ، ހިތަދޫ ސިޓީ ބާޒާރު ސަރަހައްދުގައި ކަމަށާއި، ޖަލްސާ ފަށާނީ އެ ރޭ 20:30 ގައި ކަމަށެވެ.
ރައީސް ސޯލިހު ވަނީ ޕްރައިމަރީއަށް ކެމްޕޭން ކުރެއްވުމުގެ ގޮތުން މި މަހުގެ 13 އިން 15 އަށްވެސް އައްޑޫ ސިޓީގެ ހުރިހާ ރަށަކަށް ވަޑައިގެން ކެމްޕޭނު ކުރައްވާފައެވެ.
މި ޕްރައިމަރީގައި މާލެ ފިޔަވައި އެންމެ ގިނައިން ވޯޓު ލުމުގެ ހައްގު ލިބިފައި ވަނީ އައްޑޫ ސިޓީ މީހުންނަށެވެ.
