ފުޓްބޯލް އެސޯސިއޭޝަން އޮފް މޯލްޑިވްސް (އެފްއޭއެމް) ގެ ރައީސް ކަމަށް މަހިބަދޫ ދާއިރާގެ މެމްބަރު އަހުމަދު ތާރިގް (ޓޮމް) ކުރިމަތިލައްވައިފިއެވެ.
ޓޮމް މިއަދު ކުރެއްވި ޓުވީޓެއްގައި ވިދާޅުވީ، އެފްއޭއެމުން އިއުލާންކޮށްފައިވާ އެ އެސޯސިއޭޝަން އިންތިހާބުގައި ވާދަކުރުމަށް ކެންޑިޑެސީ ފޯމް ހުށަހަޅާފައިވާ ކަމަށާއި، އޭނާގެ ނައިބުރައީސުން ގޮތުގައި ތިއްބަވާނީ ކީޕަރު އިމްރާން މުހައްމަދު އަދި މާޒިޔާގެ ހުސެއިން ޝާފިއު (ކޮއްކީ) ކަމަށެވެ.
މީގެއިތުރުން މެމްބަރުންގެ ގޮތުގައި ތިއްބަވާނީ މަޝްހޫރު ދެ މެޗު ކޮމިޝަނަރުން ކަމަށްވާ އަހުމަދު ޝާހިދު އާއި އަބްދުލްހަމީދު އަބްދުލް ގަފޫރު (އައްޑޯ) ގެ އިތުރުން އަލީ ރިޒުވާން އާއި މަހިބަދޫ ސްޕޯޓްސް ކްލަބްގެ އުލާ އިބްރާހިމް އަދި ޓީސީ ސްޕޯޓްސް ކްލަބްގެ މުހައްމަދު މިފްތާހް ކަމަށް ޓޮމް ކުރެއްވި ޓުވީޓްގައި ވަނީ ވިދާޅުވެފައެވެ.
އެފްއޭއެމްގެ ރައީސްކަމަށް ކުރިމަތިލާން ހުޅުވާލާފައިވާ ފުރުސަތުގައި މިހާތނަަށް އެކަމަށް ޝައުގުވެރިކަން ފާޅުކޮށް ފޯމް ހުށަހެޅުއްވީ ޓޮމްއެވެ. އެފްއޭއެމްގެ ރައީސްކަމުގެ މަގާމުގައި އެންމެ ފަހުން ހުންނެވި ބައްސާމް އަދީލް ޖަލީލް އިންތިހާބުގައި ވާދަނުކުރައްވާނެކަން ވަނީ އިއުލާންކޮށްފައެވެ.
