އަހަރުތަކަށްފަހު މާލޭ ސަބުދެލި މަގު އާންމުންނަށް ހުޅުވާލައިފިއެވެ.
ރޯޑް ޑިވެލޮޕްމަންޓް ކޯޕަރޭޝަން (އާރްޑީސީ) އިން "އެކްސް" ގައި ކުރި ޕޯސްޓެއްގައި ބުނީ، ސަބުދެލިމަގު އަލުން ހުޅުވާލުމަށް ކުރަންޖެހޭ މަސައްކަތްތައް ނިންމާލުމަށްފަހު އެމަގު މިހާރުވަނީ އާންމުންނަށް ހުޅުވާލެވިފައި ކަމަށެވެ.
ސަބުދެލި މަގު ބަންދުކުރީ މިހާރުގެ ރައީސް ޑރ.މުހައްމަދު މުއިއްޒުގެ ހައުސިން މިނިސްޓަރު ކަމުގައި ޕްރޮޖެކްޓެއް ހިންގުމަށް ކަމަށްވާއިރު، އެ މަގު އާންމުންނަށް ހުޅުވާފައި މިވަނީ ހަ އަހަރު ބަންދު ކޮށްފައި ބެހެއްޓުމަށްފަހުއެވެ. ނަމަވެސް އެ މަގު ބަންދުކޮށް ހިންގަން އުޅުނު ލަގްޒަރީ ހައުސިން ޕްރޮޖެކްޓް ދީފައިވާ ބިމުގައި ކުރިޔަށް ގެންގޮސްފައެއް ނުވެއެވެ.
