އެމްޑީޕީގެ ރިޔާސީ ޕްރައިމަރީ ރައީސް އިބްރާހިމް މުހައްމަދު ސޯލިހު ކާމިޔާބުކުރީ 61.10 އިންސައްތައިން ކަމަށް ވަގުތީ ނަތީޖާއިން ދައްކައިފިއެވެ.
އެމްޑީޕީން ހާމަކޮށްފައިވާ ވަގުތީ ނަތީޖާ ދައްކާގޮތުން ރައީސް އިބޫއަށް ވަނީ 24،566 (61.10 އިންސައްތަ) ވޯޓު ލިބިފައެވެ. އަދި ވާދަވެރި ކެންޑިޑޭޓް ރައީސް ނަޝީދަށް ލިބިފައި ވަނީ 15،641 (38.90 އިންސައްތަ) ވޯޓެވެ.
އެމްޑީޕީ ރިޔާސީ ޕްރައިމަރީގައި ޖުމްލަ 57،255 މީހުންނަށް ވޯޓު ލުމުގެ ހައްގު ލިބިފައިވާއިރު، އޭގެ ތެރެއިން 40،887 މީހުން ވަނީ ވޯޓު ލާފައި ކަމަށް އެމްޑީޕީން ބުނެއެވެ. މިގޮތުން 71.41 އިންސައްތަ މީހުން ވަނީ އިންތިހާބުގައި ވޯޓު ލާފައެވެ.
